Анкара поставила ултиматум за повлекување на курдските сили од три области во Сирија

Од:

Турција побарала од Русија и САД да извршат притисок врз Сириските демократски сили предводени од Курдите, во рок од две седмици да се повлечат во од три области во северна Сирија, јави „Ал Џезира“ повикувајќи се на турски официјален извор.

Според извештајот, Анкара бара курдските милиции да го напуштат Манбиџ, Тал Рифат и Кобане или се заканува со воена операција против Сириските демократски сили поддржани од САД, составени претежно од Силите за заштита на народот (ПДФ) во кои доминираат Курдите, кои Турција смета дека е огранок на Курдистанската работничка партија (ПКК). Изворот предупредил дека Анкара нема да се согласи на продолжување на определениот рок.

Како одговор на турските барања, според изворот, САД предложиле да се реструктуираат Сириските демократски сили, давајќи им на арапските сили поголема улога во администрацијата на трите града посочени од турските власти.

Но, Анкара вели дека контролата на групата на нафтените инсталации мора да биде прекината пред да се разговара за какви било предлози на САД.

Руската страна исто така поставила свои барања по однос Украина и ги поврзала со отстапки во Сирија.

Извор: МИА

Би можело да ве интересира

Чавушоглу: Затворањето на конзулатите на некои западни земји е намерен потег

Ана Ололовска

Група американски сенатори против продажба на Ф-16 на Турција додека не го одобри проширувањето на НАТО

Ана Ололовска

Пател: Конзулатот на САД во Истанбул останува отворен

Ана Ололовска

Турција ги обвини западните земји за „психолошка војна“

Горан Наумовски

Шведски министер: Го почитуваме договорот со Турција за НАТО, религијата не е дел од него

Ана Ололовска

Осум ракети паднаа во турска база во Ирак