Кимберли Синглер од Колорадо, осомничена за убиство на двете деца и обид за убиство на трето дете, е уапсена во Обединетото Кралство, соопшти локалната полиција. Властите издадоа налог за апсење на Синглер под обвинение за убиство и обид за убиство, откако нејзиниот 7-годишен син и 9-годишната ќерка беа пронајдени мртви во домот, а нејзината 11-годишна ќерка заврши во болница.
На 19 декември, по пријава за кражба, полицијата пристигнала во домот на Синглер. Таму ги пронашла телата на нејзините синови и ќерка, Синглер и нејзината преживеана 11-годишна ќерка биле пренесени во болница. Полицијата првично веруваше дека Синглер е жртва на кражба, но подоцна стана осомничена во текот на истрагата.
Најпрво соработувала со полицијата, но потоа престанала и по извесно време полицајците не можеле да стапат во контакт со неа.
„Додека немавме доволно инкриминирачки околности, не можевме да ја одведеме во притвор“, изјави претходно за Си-Ен-Ен, Ира Кронин, портпаролка на полицискиот оддел во Колорадо Спрингс. Нејзината 11-годишна ќерка била пуштена од болница неколку дена по инцидентот.