САД ќе се повлечат како посредник меѓу Русија и Украина доколку нема напредок во завршувањето на војната, соопшти денес Стејт департментот.
„Морам да ви кажам нешто, а државниот секретар (Марко Рубио) ми кажа за ситуацијата пред кратко време“, изјави портпаролката на Стејт департментот, Теми Брус.
Таа изјави дека очекува конкретни предлози од двете страни.
„Сега сме во точка каде што двете страни мора да дадат конкретни предлози за тоа како да се стави крај на овој конфликт. Како ќе продолжиме е одлука што сега му припаѓа на претседателот (Доналд Трамп). Доколку нема напредок, ние ќе се повлечеме како медијатори во овој процес“, изјави портпаролката Брус пред новинарите.
