Републиканскиот претседателски кандидат Мит Ромни води со два проценти предност во однос на кандидатот на демократите и актулениот претседател Барак Обама, покажува најновото истражување на агенцијата „Расмусен“.
Истражувањето е спроведено во периодот од 15. до 17. октомври, со што го отсликува расположението на гласачите пред и после телевизиската дебата која беше во вторникот.
Според податоците од анкетата, Обама го поддржуваат 85 насто од тие што се изјасниле како гласачи на демократите, додека Ромни има поддршка од 87 насто од републиканците. Меѓу неопределените гласачи, Ромни има предност од девет проценти.
Забележлива е и разликата во изјаснувањето на жените и мажите, па така Обама води со 4 процент предност кај женското гласачко тело, додека Ромни има предност кај машкото гласачко тело од 10 проценти.
„Расмусен“ утре ќе го претстави новото истражување, кое ќе биде во целост изработено по последната дебата, во која според оценките Обама оставил подобар впечаток.