Министерот за економија и висок функционер на ДУИ, Крешник Бектеши одговарајќи на новинарски прашања откри дека првичните анкети на партијата велат дека нивниот претседателски кандидат Бујар Османи ќе биде сигурен учесник во вториот круг на изборите.
– Во делот на претсетелските избори, првичните анекти велат дека нашиот кандидат Бујар Османи има голема предност во однос на Арбен Таравари. Јавно да кажам тој е многу блиску да влезе во вториот круг со еден од другите кандидати за претседател – рече Бектеши.
Прашан дали има желба да остане министер за економија, тој рече дека најважно е да поеди идејата на ДУИ.
– Најважно е од се е да победи идејата на ДУИ, не јас дали ќе бидам министер. Во моментот кога ДУИ ќе победи, ќе биде добро за граѓаните на земјата. Опциите се отворени до крајните рокови кога се доставуваат листите, за претседател имаме наш кандидат, кој прави одлична камапња, најподготвен е и најискусен во делот на меѓународната политика, безбедносната полтиика.
Тој беше дел од зачленувањето во НАТО, од преговорите со ЕУ, јас би ги охрабрил сите други кандидати да излезат на дебата со Османи – додаде Бектеши.