Адидас истражува случај на корупција во Кина, проценет на стотици милиони евра

Од:

Германскиот производител на спортска опрема „Адидас“ истражува огромен скандал со наводна корупција во Кина проценет на неколку стотици милиони евра, а осомничени се локални вработени во компанијата, објави денеска британскиот весник „Фајненшл тајмс“ (ФТ).

Во писмото, наводно напишано од „вработени во Адидас во Кина“, се именуваат неколкумина вработени, вклучително и извршниот директор во одделот за маркетинг буџет на компанијата.

Во документот, кој кружеше на кинеската социјална мрежа во текот на јуни, се вели дека проневерени се 250 милиони евра поради корупција.

Британскиот весник наведува дека документот го обвинува персоналот на Адидас за примање мито од даватели на услуги овластени од германската групација.

Менаџер на „Адидас“ во Кина е обвинет дека примил „милиони готовина од добавувачите, како и имот, вклучително и недвижен имот“.

Адидас, кој дебитираше во Кина во 1997 година, според локалните медиуми, некогаш имаше повеќе од 10.000 продавници.

Сепак, Адидас се соочи со порастот на влијанието од локалните брендови во последниве години, вклучувајќи ги Анта и Ли Нинг.

Би можело да ве интересира

Најмалку 16 загинати во пожар во трговски центар во Кина

(ВИДЕО) Шестмина загинати во пожар во трговски центар во Кина

Горан Наумовски

Кина воведе санкции за шест американски компании за продажба на оружје на Тајван

Вицепремиерот за добро владеење за борбата против корупцијата зборуваше на албански и англиски, на македонски не можел да се изрази

Катерина Ѓуровски

Кина: Самитот на НАТО е полн со воинствена реторика, провокации и лаги

Огромен скандал во Кина: Во цистерни со гориво се транспортирало масло за јадењe