Претседателот на Унгарија, Јанош Адер изјави дека односите на неговата земја со Русија не се посилни од односите со Франција и Германија, ниту од односите со која било држава од некогашниот советски блок.
Адер ова го изјави во Софија на меѓународна конференција, одговарајќи на прашањето во врска со зајакнувањето на економските односи на Унгарија со Русија, за разлика од историските настојувања на Унгарија да се ослободи од советското влијание.
Според него невозможно е да се направи каква било споредба меѓу 1956 година и сегашната економска соработка со Русија.
Во врска со обновувањето на една унгарска нуклеарна централа во соработка со Русија Адер истакна дека руската понуда била најдобра.