Тукушто избрканиот ексфункционер на ВМРО-ДПМНЕ од партијата, Сашо Мијалков, денеска во Кривичниот суд на судењето за „Титаник 2“ влезе прегрнат со пратеникот од партијата Илија Димовски.
Најверојатно пораката која поранешниот директор на УБК сакаше да ја испрати пред медиумите е дека бесправно е избркан од партијата и дека се уште е во добри односи со членовите од старата структура на партијата.
Ова не е прв пат Мијалков да ги гушка своите сопартијци пред судот. Претходно истото се случи и со сега осудената поранешна министерка за внатрешни работи, Гордана Јанкулоска.
Мијалков по завршување на денешното рочиште за „Титаник 2“ не сакаше да даде никаков коментар за писмото кое го упати до лидерот на ВМРО-ДПМНЕ, Христијан Мицкоски.
Виктор Јованов