Жерновски вели дека Мицкоски многу лаже, ВМРО-ДПМНЕ го нарече измеќар, неуспешен политичар и дипломат

Од:

Членот на Извршниот одбор на СДСМ, Андреј Жерновски, на денешната прес-конференција обвини дека премиерот и лидер на ВМРО-ДПМНЕ, Христијан Мицкоски, „многу лаже“ и дека неговата политика се темели на, како што рече, „лажна вистина“.

Жерновски изјави дека Мицкоски уште пред да дојде на власт давал ветувања кои подоцна не ги исполнил, посочувајќи ја изјавата од 2019 година дека ќе поднесе оставка ако ги изгуби парламентарните избори. Според него, Мицкоски не го исполнил ветувањето ниту во однос на Преспанскиот договор и уставното име.

Тој обвини и дека премиерот не ја исполнил најавата за оставка доколку се утврди поврзаност меѓу ВМРО-ДПМНЕ и агенцијата за обезбедување од дискотеката „Пулс“ во Кочани, како и дека изнесувал неточни информации во врска со именувањето на Душан Адамовиќ за почесен конзул.

Според Жерновски, Адамовиќ е „пријател и бизнис партнер“ на Мицкоски и лице кое, како што наведе, се поврзува со криминални активности. Тој додаде и дека дел од медиумите во земјава се под влијание на „мрежата на Орбан“.

По прес-конференцијата, со реакција се огласија од ВМРО-ДПМНЕ, од каде остро го нападнаа Жерновски, нарекувајќи го „измеќар на Заев и Филипче“ и човек без кредибилитет да зборува за вистината.

Од партијата наведоа дека Жерновски „со години ја лаже јавноста“ и дека неговите обвинувања се дел од, како што велат, „старите лаги на СДСМ“. Во врска со именувањето на Душан Адамовиќ за почесен конзул, од ВМРО-ДПМНЕ посочија дека предлогот дошол од македонскиот амбасадор во Белград, именуван во време на владата на СДСМ и ДУИ, додавајќи дека лицето ги исполнува сите критериуми.

Би можело да ве интересира

ВМРО-ДПМНЕ бара одговорност од Обвинителството за пуштањето на осомничениот за нападот врз Сара

Левица: “Транспарентност“ по вмровски рецепт – ДПМНЕ предлага да платиш за да видиш кој го добил тендерот, итно да се повлече предлог-законот

Во ВМРО-ДПМНЕ на Извршен заклучиле дека СДСМ сака да ја сруши Алта банка

Катерина Ѓуровски

Петрушевски: Филипче и СДС не беа вака гласни кога од Венецуела се влеваа 110 милиони евра во Еуростандард

Коалициските партнери од Владата многу различно гледаат на изборниот исход во Брвеница

Кузеска: Симе не е во затвор, повторно е со Мицкоски, пуштен е да работи за ВМРО-ОКГ во Брвеница

Катерина Ѓуровски