Американецот Рајан Лохте триумфираше на трката на 400 метри мешано со време 4:05:18 и го донесе првото злато за САД.
Среброто му припадна на Бразилецот Тијаго Переира, додека бронзен медал освои Косуке Хагин од Јапонија.
Освојувачот на злато во Пекинг, Мајкл Фелпс заврши на четвртото место.
Нов олимписки рекорд постави Јанг Сун во финалната трка на 400 метри слободен стил. Пливачот од Кина со резултат 3:40:14 беше за седум стотинки побавен од светскиот рекорд на Бидерман, кој испадна уште во квалификациите. Сребрениот медал го освои Таекван Парк од Јужна Кореја, кој беше диквалификуван, па по жалбата беше вратен во финалето. Зад пливачите од Азија, финишираше Питер Вандеркеј од САД.
Во женска конкуренција, на 400 метри мешано, Шивен Је им го донесе на Кинезите вториот златен медал, зачинет со светски рекорд.Је исплива 4:28:43 што е за секунда и две стотинки подобро од постигнувањето на Автралијката Стефани Рајс во Пекинг 2008. година. Сребрениот медал и припадна на Елизабет Бејсел од САД, успехот на Кина го заокружи Ли Хуанжу со пласман на 3. место.