Втор триумф на нашите кошаркари на „Трофејот на Македонија’’

Од:

Нашата најдобра кошаркарска репрезентација ја оствари и втората победа на „Трофејот Македонија“ што се одржува во Скопје.

На вториот натпреварувачки ден на меѓународниот турнир што се игра во СЦ „Борис Трајковски“ македонските кошаркари ја совладаа селекцијата на Холандија по продолжение со 78:72 откако регуларниот дел заврши нерешено 61:61. По четвртини резултатот гласеше: 9-20, 21-19, 11-14, 20-8, додека дополнителните пет минути црвено-жолтите ги добија со 17-11.

Со постигнати 23 поени најефикасен во редовите на нашата репрезентација беше капитенот Војдан Стојановски. Александар Костовски постигна 13, искусниот Ѓорѓи Чековски придодаде 11, а со својата игра се истакна и Бобан Стаиќ кој покрај 9 поени имаше и забележителна улога во одбраната каде оствари 5 украдени топки.

Претходно, Босна и Херцеговина беше подобра од Португалија со 63:58.

Така победникот на „Трофеј Македонија“ ќе биде решен на денешната средба меѓу Македонија и БиХ која ќе се игра од 18 часот, додека Португалија и Холандија (од 20.30 часот) ќе играат за пласман на третата позиција.

Би можело да ве интересира

Шпанија со проверени кошаркари гостува во Скопје

Ана Ололовска

Кошаркарките се комплетираа пред стартот на евроквалификациите

А1он

Миротиќ играч на месецот во кошаркарската Евролига

А1он

Србинот Лукиќ нов селектор на руските кошаркари

А1он

ФМП Академија го доби „македонското дерби“ на стартот на БИБЛ лигата

А1он

Жалгирис го назначи Јуре Здовц на функцијата главен тренер

Ана Ололовска