Во сударот помеѓу Кубан Краснодар и Терек од Грозни, чешкиот фудбалер Мартин Јиранек во 36-та минута на натпреварот од десеттото коло на руската лига, постигна неверојатен погодок со удар од 45 метри оддалеченост од голот.
„Бомбата“ што ненадејно ја упати кон голот на изненадениот домашен голман Александар Беленов, заврши во самиот горен агол на голот на Кубан Краснодар. И покрај овој прекрасен гол, гостите од Грозни изгубија со 2:1.