Реванш мечот од полуфиналето во Лигата на шампионите, што вечерва се игра на „Алијанц арена“ во Минхен помеѓу бранителот на тронот, Баерн и мадридски Реал, минува во знакот на гостите.
Реал води со 3:0 по првите 45. минути и победата од 1:0 на домашен терен, со сигурност им гарантира финале. На Баерн му се потребни 5 гола за прогрес.
Два гола постигна Рамос, а еден Роналдо.
Многумина овој дуел го карактеризираа како „финале пред финалето“, земајќи ја предвид и споредбената статистика врзана за двата клуба.
И двата тима досега одиграа по 11 меча оваа сезона, а мадриѓаните беа поефикасни.
Реал постигна 33 гола или три во просек на еден меч, додека Баерн погодуваше 24 пати. Интересно, Бензема, Бејл и Роналдо заедно постигнаа 24 гола.
Реал Мадрид има најмногу победи оваа сезона. Мадридскиот клуб запиша девет победи, едно реми и еден пораз на гостувањето кај Борусија во четврт-финалето на ЛШ. Баерн не беше толку убедлив. Актуелниот европски првак запиша седум победи и по две ремија и порази.