Македонскиот репрезентативец Аријан Адеми по речиси две и полгодишна пауза го постигна првиот гол во дресот на Динамо Загреб.
Адеми беше стрелец на третиот погодок за Динамо во победата од 4-2 над Истра во четвртфиналето на фудбалскиот Куп на Хрватска.
Адеми (26) кому летово му престана двегодишната суспензија поради допинг, својот последен гол во дресот на Динамо го постигна на 4 август 2015 година во мечот од Лигата на шампионите против Молде, кој заврши без победник 3-3.
По враќањето од суспензијата, Адеми одигра и еден натпревар за репрезентацијата на Македонија и тоа против Лихтенштајн меч во кој исто така постигна гол за црвено-жолтите во победата од 4-0.