Жељко Обрадовиќ беше сериозно изнервиран од однесувањето на еден навивач на петтиот меч од финалната серија со Црвена Звезда.
Партизан ја совлада Црвена звезда, ја освои титулата во АБА-лигата, а еден потег на крајот од тој меч сериозно го изнервира Жељко Обрадовиќ. Во последните секунди од играта еден од навивачите истрча кон клупата и почна да ги гушка членовите на црно-белиот стручен штаб. Искусниот стручњак веднаш го забележал тоа, скокна врз него, го удри и го оттурнал од клупата. Многумина не го забележаа тој детаљ, додека на видеото се гледа дека на мажот му паднаа очилата.
3️⃣ seconds from the title – Zeljko Obradovic wasn't ready to celebrate 👀
Only after giving his respect to Crvena Zvezda.pic.twitter.com/OpmukvonJN
— BasketNews (@BasketNews_com) June 22, 2023
Во следниот момент, по звукот на сирената, Матијас Лесор и Џејмс Нанали му пријдоа на својот тренер, почнаа да го креваат и да слават, но тој побарал да се помрднат и да го пуштат. Прво отиде да се поздрави со колегата Душко Ивановиќ и стручниот штаб на црвено-белите. Дури тогаш се врати на прославата на успехот со играчите и навивачите.
На теренот владееше вистинско лудило, публиката запали и факели, па за некое време ништо не се гледаше на теренот. Потоа почнаа да слават заедно со играчите, а во еден момент го грабнаа Обрадовиќ и почнаа да го фрлаат во воздух.