Репрезентацијата на Македонија вечерва против Србија го затвори квалификацискиот циклус за Светското фудбалско првенство во Бразил со катастрофален пораз на гостувањето во Јагодина од Србија со 5:1.
Ристовски со автогол во 16. минута го отвори резултатот, а само три минути подоцна Баста го удвои водството, за Коларов во 39. минута да обезбеди сигурно водство од 3-0 на полувремето.
Србија продолжи во ист ритам и во вториот дел, па најпрво преку Тадиќ во 54. минута, а потоа и преку Шчеповиќ во 73. минута стигна до високи 5-0. Утешниот погодок за нашата селекција го постигна Јаховиќ во 83. минута.