Фудбалската репрезентација на Нигерија направи голем чекор кон обезбедување учество на Светското првенство во Бразил идната година, откако во првиот натпревар од баражот ја совлада Етиопија на гостински терен со 2:1.
Двоен стрелец за Нигерија беше Емануел Еменике (68. и 90. минута од пенал), а за домашните погоди Асефа Гобезе во 57. минута.
Но на овој натпревар имаше голема контроверзност, при резултат 0:0, Етиопија постигна погодок, но судијата не виде дека топката ја мина гол линијата и не беше признаен.
На другиот вчерашен дуел Тунис и Камерун одиграа нерешено 0:0.
Резултати на двете саботни средби: Буркина Фасо – Алжир 3:2 и Брегот на Слоновата коска – Сенегал 3:1.
Утре играат Гана – Египет.
Реваншите ќе се одиграат од среда до сабота.