Фудбалерите на Индепендиенте во сабота вечерта останаа поразени на домашен терен од Сан Лорензо со 1-0 и на тој начин ја изгубија секоја можност да останат во елитата.
Индепендиенте за прв пат во својата историја која трае 108 година, испадна од првата лига.
-Денес сум со мојот тим. Голем клуб сме и ќе се вратиме-напиша на својот профил на „Твитер“, фудбалерот Серхио Агуеро, кој од 2003 до 2006 година го носеше црвениот дрес на овој клуб.
Инаку овој фудбалски клуб дури 16 пати беше првак на Аргентина, седум пати го освои Купот на Либертадорес, додека два пати беше првак на светот.
Елена Георгиевска