Во финалето на Светското фудбалско првенство за играчи до 20 години кое се одржува во Турција ќе играат репрезентациите на Франција и на Уругвај.
Уругвај синоќа во второто полуфинале по изведување на пенали беше поуспешен од Ирак со 7:6. Во основните 90 минути резултатот изнесуваше 1:1, а во 30-минутното продолжение немаше постигнат гол.
Претходно, во првата полуфинална средба, Франција со 2:1 ја победи Гана.
Финалето е закажано за в сабота од 20 часот, а истиот ден три часа порано е средбата за третото место меѓу Ирак и Гана.