Репрезентацијата на Нигерија високо го порази Тахити во последниот натпревар од 1.коло на Купот на Конфедерации што се одржува во Бразил.
Три голови за претставникот од Африка постигна Одуамади, Ечиејиле погоди двапати, а еднаш сопствената мрежа ја затресе Техау. Истиот играч го постигна единствениот гол за Тахити во 54.минута за во тој момент да намали на 3:1.
Ова беше средба од Б групата во која претходно Шпанија го совлада Уругвај со 2:1.
Денеска на купот е слободен ден, а за утре се закажани дуелите од 2.коло во А групата. Играат Бразил – Мексико и Јапонија – Италија.