Најдобриот играч и стрелец на Премиер лигата Луис Суарез од Ливерпул можно е да го пропушти Светското првенство во Бразил.
На тренинг на репрезентацијата на Уругвај, Суарез се пожалил на болки во коленото.
На 20- тина дена со стартот на Мундијалот репрезентативецот на Уругвај ќе мора да направи операција на коленото. Тестовите покажале проблеми со менискусот, па се очекува 27-годишниот напаѓач оваа недела да биде и опериран.
Паузата по ваквата операција е околу четири недели, а Уругвај се наоѓа во тешка група заедно со Англија, Италија и Костарика.
Селекцијата на Уругвај на последното СП во Јужна Африка беше четвртопласирана. Евентуалното отсуство на Суарез селекторот на Уругвај Оскар Табарез ќе го надополни со Диего Форлан и Единсон Кавани.