Повеќе од четириесет илјади навивачи на стадионот „Ла Бомбоњера“ во Буенос Аирес го пречекаа Карлос Тевез при неговото враќање во Бока Јуниорс.
Тевез се врати во „својот“ клуб по 11 години, а на неговиот дочек беше аргентинската фудбалска легенда Марадона кој направи посебен транспарент како благодарност за враќањето на сонародникот.
Претходните 11 години Тевез настапуваше во Европа во Вест Хем, Манчестер Јунајтед, Манчестер Сити и Јувентус.
– Нема поубаво чувство за мене од денешното. Овој ден ќе го паметам цел живот. Ова е мој дом, тука почнав со фудбалот и сакам тука да завршам. Се наоѓам во топ форма, изјави Тевез.