Клубот од Олд Трафорд е блиску до објава дека неговите американски сопственици ги истражуваат финансиските опции кои би можеле да вклучат и целосна продажба, дознава Скај њуз.
Манчестер Јунајтед конечно би можел да биде продаден од американските сопственици по 17-годишно владеење во кое доминираа протести на навивачите и опаѓањето на перформансите на теренот.
Скај њуз ексклузивно открива дека семејството Глејзер се подготвува официјално да ја објави својата намера, да ги испита потенцијалните извори на надворешни инвестиции кои би можеле да вклучуваат целосна аукција на веројатно најпознатиот фудбалски клуб во светот.
Скај њуз повикувајќи се на свои извори објави дека во вторникот инвестициските банкари добиле инструкции од сопствениците на Манчестер Јунајтед да дадат совет за процесот, кој најверојатно ќе вклучува целосна, делумна продажба или стратешко партнерство со трети страни.
Најавата за преглед на финансиските опции кои би можеле да вклучуваат процес на продажба ќе сигнализира крај на повеќегодишните шпекулации за тоа дали Глејзерси би можеле да бидат убедени да го отфрлат клубот кој во изминатата деценија доживеа речиси неублажен фудбалски пад.
Во поново време, клубот се вплетка во жестока правна борба со Кристијано Роналдо поради интервјуто во кое тој ја доведе во прашање амбицијата на Јунајтед и го осуди пристапот на Глејзерс да го поседуваат клубот.