Скандалот со дивата продажба на билети за Олимписките игри во Лондон може да го одложи почетокот, затоа што истрагата за вмешаноста на повеќе од 54 земји се уште не е завршена.
Скандалот го открија новинарите на „сандеј тајмс“ кои се преставиле како посредници од Блискиот Исток барале да купат билети.
Една третина од 204 земји се под сомнение дека ги прекршиле правилата. Меѓународниот олимписки комитет вети дека ќе ги испита наводите на „Сандеј тајмс“, за 54 земји кои беа подготвени да продадат илјадници неовластени билети по цени до 6.000 фунти.
МОК соопшти дека тврдењата се многу сериозни и ако се докажат дека се вистина организацијата ќе се справи на соодветен начин.
1,1 милион билети се пуштени до локалните комитети на 204 земји учеснички. Правила на МОК забрануваат билетите да се продаваат по повисоки цени, да се редистрибуираат во други земји или да се препродаваат од неовластени продавачи.