Огромен шок за Новак Ѓоковиќ во осминафиналето во Монте Карло.
Најдобриот тенисер во светот го одигра еден од своите најслаби натпревари во последните неколку месеци, дозволувајќи му на Лоренцо Мусети од Италија да го нокаутира по мечот кој траеше речиси четири часа со прекин поради дожд. Резултатот на крај беше 1:2 во сетови (6:4, 4 :6, 4:6).
Новак го одигра еден од најчудните мечеви оваа година, каде често ги губеше сервисите, што веројатно не се сеќава да му се случило толку пати во кариерата, објавија српските медиуми.