По пет години поминати заедно, Новак Ѓоковиќ и Горан Иванишевиќ решија да ја прекинат соработката пред Мастерсот во Монте Карло, каде српскиот тенисер ќе се обиде да ја освои титулата и да ја зголеми предноста на АТП листата.
Веста за прекин на соработката дојде сосема ненадејно, поточно ретко кој очекуваше ваков епилог, а целата ситуација ја објави и Новак Ѓоковиќ преку својот Инстаграм профил.
Таму закачи емотивна порака во која се прости од својот поранешен тренер.
– Со Горан пред неколку дена решивме да ја прекинеме соработката. Нашата хемија на теренот имаше подеми и падови, но нашето пријателство беше секогаш силно. Всушност, со гордост можам да кажам (не сум сигурен дали и тој е) дека покрај тоа што заедно победуваме на турнири со години. Шефе, ти благодарам за се мој пријателе, те сакам – напиша Ѓоковиќ.