Дерби натпреварот од 6. коло во кошаркарската Суперлига меѓу Работнички и МЗТ Скопје Аеродром, како и другите два дуела од овој круг, Кожув – Струмица и Куманово – Лирија, кои требаше да се одиграт утре и задутре, по барање на МВР се одложени за четири дена.
– Во врска со барањето на Министерството за внатрешни работни, заради зголемениот обем на активностите на припадниците на Министерството, а согласно Член 12 од Пропозициите за натпреварување, шестото коло од кошаркарската Суперлига се одложува. Новиот термин за одигрување на натпреварите е 29/30 Април 2014 година (вторник/среда), соопшти Комисијата за натпреварување при Македонската кошаркарска федерација.
Од МКФ информираа дека вечното дерби ќе се игра во вторник од 17 часот и 30 минути, а другите два натпревара ден подоцна.