Капитенот на Лацио, Стефано Маури e суспендиран на шест месеци поради вмешаност во скандал со наместени натпревари, одлучи денеска Италијанската фудбалска федерација.
Маури е еден од осуммината кои беа обвинети дека ги наместиле натпреварите од Серија А Лацио – Џенова и Лече – Лацио во мај 2011 година.
Конкретно Маури е прогласен за виновен за удел во местењето на Лацио со Лече, а е ослободен за учество во нечесни игри на средбата Лацио – Џенова.
Обвинителот бараше Маури да биде казнет со суспензија од четири и пол години, а клубовите Лацио со одземање на шест бодови, додека Џенова и Лече со минус три.