Најуспешниот европски клупски тренер, Жељко Обрадовиќ е посакуван од Русија за селектор.
Според руските медиуми локалната федерација е во преговори со Обрадовиќ, но проблем пред спроведувањето на договорот може да е фактот дека се очекува Андреј Кириленко и Виктор Хријапа да го пропуштат претстојното Европско првенство.
Од составот на Русија можеби ќе отсуствува и Тимофеј Мозгов, чиј договор со Денвер истекува и би можел да остане во САД за тренинг камповите.
Обрадовиќ веќе ја одби понудата од Галатасарај, а беше споменуван и за кандидат за нов селектор на Грција. Од руската кошаркарска федерација не коментираат кој ќе биде евентуалниот наследник на Дејвид Блат, кој поднесе оставка на крајот на октомври.
Претседателот на централата, Александар Крашенков објави дека новиот селектор ќе биде познат до 25-ти декември.