Вчера стартуваше вториот круг од европските квалификации со 10 нови дуели од групите „Ц“, „Е“, „Г“ и „И“.
На терените на Стариот континент видовме некои доста интересни судири меѓу кои се издвојува дербито меѓу Холандија и Германија. Бундестимот поведе со 2:0 во Амстердам, по паузата „лалињата“ израмнија, но во последната минута Нико Шулц донесе многу важната победа за гостите. За Германците ова беше прв натпревар во квалификациите, додека Холандија веќе имаат 3 поени од убедливиот успех над Белорусија на стартот.
Во друг натпревар од групата, Белорусите изгубија со 1:2 како гостин на Северна Ирска.
Во група „И“ Белгија не сретна проблеми при посетата на Кипар – 2:0, и веќе има предност од 6 поени, а Русија го декласираше Казахстан со 4:0 како гостин. За „зборнаја“ ова беше првиот успех, откако претходниот круг тимот беше поразен од Белгија. Казахстан ја почна кампањата со убедлив успех над Шкотска (3:0), но вчера немаше сили да се спротивстави на својот сосед. Шкотска очекувано го совлада Сан Марино, иако само со 2:0.
Изненадувањето на денот беше победата на Унгарија над светскиот вицешампион Хрватска со 2:1, при тоа по пресврт. Велс, исто така, го забележа првиот успех во групата „Е“ откако победи со 1:0 проитв Словачка во Кардиф.
Во групата „Г“ Израел запиша втор пораз по вистинско гол-шоу против Австрија – 4:2. Доцни голови донесоа домашен триумф на Полска против Латвија, додека Словенија и Северна Македонија ремизираа 1:1.
Квалификации за ЕП 2020, 2. коло:
Од 15:00 часот
Група „Е“
Велс – Словачка 1:0
1:0 Џејмс (5 )
Група „И“
Казахстан – Русија 0:4
0:1 Черишев (19 )
0:2 Черишев (45’+ 2)
0:3 Ѕујба (52)
0:4 Оздоев (62)
Од 18:00 часот
Група „Е“
Унгарија – Хрватска 2:1
0:1 Ребиќ (13)
1:1 Салај (34)
2:1 Паткај (76)
Група „Г“
Израел – Австрија 4:2
0:1 Арнаутович (8)
1:1 Захави (34)
2:1 Захави (44)
3:1 Захави (54)
4:1 Дабур (66)
4:2 Арнаутович (74)
Група „И“
Сан Марино – Шкотска 0:2
0:1 Меклин (4)
0:2 Расел (74 ‘)
Од 20:45 часот:
Група „Ц“
Северна Ирска – Белорусија 2:1
1:0 Еванс (30)
1:1 Ставевич (33)
2:1 Магенис (87)
Холандија – Германија 2:3
0:1 Сане (15)
0:2 Гнабри (34)
1:2 Де Лихт (48)
2:2 Депај (64)
2:3 Шулц (90)
Група „Г“
Словенија – Северна Македонија 1:1
1:0 Зајц (34)
1:1 Барди (47)
Полска – Латвија 2:0
1:0 Левандовски (76)
2:0 Глик (84)
Група „И“
Кипар – Белгија 0:2
0:1 Азар (10)
0:2 Батшуаи (18).