Селекторот на Англија, Герет Саутгејт изјави дека неговиот тим треба да го освои Светското првенство за да заборави на неуспехот на Европското првенство 2020 играно ова лето.
– Можеби треба да го освоиме светскиот шампионат за да заборавиме што се случи на Еуро 2020. Ништо не се споредува со нивото на игра што го прикажавме, како и со околностите што се случија во мечот за трофејот. Две години се сеќававме на полуфиналето на Светското првенство 2018 година, а сега треба да размислуваме година и пол за победа на Светското првенство 2022 година, истакна Саутгејт.
На 11 јули оваа година, во финалето на Еуро 2020, репрезентацијата на Англија под водство на Саутгејт загуби од Италија со 3:2 на пенали.
Вчеравечер Англија на гостински терен ја победи Унгарија со 4:0 и со максимални 12 бода се издвои на првото место во квалификациската И-група за СП 2022 година.