Потпретседателот на ФИФА, Џим Бојс во разговор за ББС има порача на челниците на УЕФА сериозно да размислат за суспендирање на Србија од идните натпревари поради неодамнешните расистички инциденти во Крушевац.
Дени Роуз тврди дека во текот на целиот натпревар за бараж на Европското првенство помеѓу младите репрезентации на Србија и Англија бил навредуван на расна основа, како и дека го погодиле два камења во главата.
„Мислам дека најмала казна е да играат без публика, а постои и опција Србија да биде суспендирана во идните натпреварувања“, рече Бојс.
Потпретседателот на ФИФА потсети дека ова не и е прв инцидент на Србија.
„Ова не е прв пат Србија да има сериозни проблеми, а ако се предвид дека УЕФА не толерира расизам во никаква форма, мислам дека казната треба да биде ригорозна. Моментално ситуацијата е таква што паричната казна не дава ефект. Мороните кои ги предизвикуваат ваквите инциденти не ги засега колку пари ќе плати фудбалскиот сојуз. Мора сериозно да се пристапи кон проблемот, посебно против Фудбалскиот Сојуз на Србија“, изјави Бојс.