Во регионалната кошаркарска АБА лига се играат натпреварите од 19.коло во кое четвртиот пораз го забележа водечката Игокеа која синоќа беше поразена на гостински терен од Унион Олимпија со 69:63.
Македонскиот шампион и претставник во ова натпреварување, тимот на МЗТ Скопје Аеродром вечерва од 19 часот ќе гостува во Белград кај Црвена Звезда.
Покрај натпреварот Црвена Звезда – МЗТ Скопје Аеродром денеска играат и Широки – Цибона (17 часот).
Постигнати резултати на другите вчерашни дуели: Задар – Цедевита 73:74, Сплит – Шолнок 62:70 и Будуќност – Крка 74:66.
Колото ќе биде комплетирано в понеделник со дуелот Раднички – Партизан (20:30).
Табела: Игокеа 15-4 (победи-порази), Црвена Звезда 12-6, Партизан 12-6, Будуќност 11-8, Цедевита 11-8, Раднички 10-8, МЗТ Скопје Аеродром 10-8, Унион Олимпија 10-9, Крка 8-11, Задар 7-12, Сплит 7-12, Цибона 6-12, Широки 6-12 и Шолнок 5-14.