Фудбалерот на Барселона Жерар Пике изјави дека ќе се прости од националниот тим на Шпанија по Светското првенство во Русија во 2018 година.
– Првенство во Русија за мене ќе биде последно во дресот на Шпанија. Многу размислував околу оваа одлука. Не го кажувам тоа со жешка глава, ама така се чувствувам по натпреварот со Албанија (2:0), изјави Пике.
Тој е често критикуван, бидејќи отворено застана на страна на Каталонија, повторно се најде на удар на шпанските медиуми затоа што ги исече ракавите од дресот против Албанија и таквиот потег гоп објасни дека му пречеле долгите ракави.
– Очигледно некои не сакаат да бидам во националниот тим, порача Пике.
Тој со Шпанија стана светски шампион во 2010 година. Има 85 натпревари во националниот дрес и пет погодоци.