Првиот светски рекет во женска конкуренција, Наоми Осака се раздели со тренерот Саша Бајин под чие водство успеа да се искачи на првото место на ВТА ранг листата.
За ваквата одлука, 21-годишна Јапонка објави на Твитер.
– Јас повеќе нема да работам заедно со Саша. Му благодарам на неговата работа и му посакувам се најдобро во иднина, напиша тенисерката.
Осака тренираше под водство на Бајин од јануари 2018 година. Таа со него во стручниот штаб го освои УС опен минатата година и Австралија опен оваа година.