Итната медицинска служба во Буенос Аирес ја демантираше веста дека два редари починале за време на мечот помеѓу Бока Јуниор и Ривер Плата.
„25 луѓе се повредени, но никој не загина“, изјави за спортскиот весник „Ole“, вработен во брзата помош.
Оваа вест ја демантираше и портпаролот на приватната фирма која беше задолжена за безбедноста на Суперкласико.
„Никој не е во критична состојба, иако неколку луѓе се примени во болница“.