Четириесеттина пливачи од сите градови на Македонија и од странство досега го потврдија учеството на Илинденскиот пливачки маратон што на 2 август традиционално по 34-ти пат ќе се плива на Охридското Езеро.
Пливачите поделени по два старосни категории и тоа до 16 и од 16 до 35 години ќе ја пливаат патеката од кај поранешниот хотел „Парк“ до Градското пристаниште во Охрид, долга 2,5 километри.
Стартот на маратонот е предвиден за од 10 односно 10:15 часот, а пристигнувањето на првите пливачи на целта се очекува да биде половина час подоцна.
Со оглед на тоа што пријавувањето за учество на маратонот се уште трае, организаторите на манифестацијата очекуваат на годинашното маратонско издание да учествуваат некаде околу 80 пливачи од сите категории.
Минатата година на Илинденскиот пливачки маратон најуспешни беа нашиот Андреј Стојаноски и русинката Александра Умурзакова.