Карло Анчелоти, тренерот на Реал Мадрид, откри дека младиот напаѓач Алваро Мората ќе го напушти „Сантијаго Бернабеу“, односно дека од следната сезона нема да го носи дресот на Реал Мадрид.
– Мората одлучи да си замине во потрага за поголема минутажа и клубот се согласи со тоа’, изјави тренерот Анчелоти.
Италијанскиот стратег како главна причина за заминувањето на 21-годишниот напаѓач го наведе неговото незадоволство од минутажата која ја добива. Сепак, сагата на Мората се уште не е дефинитивно разрешена, а искусниот тренер не ја криеше и можноста Мората да се премисли.
– Доколку добие шанса, тоа ќе биде добро за него, а доколку го напушти Реал Мадрид, тогаш ќе доведеме некој фудбалер сличен на него кој исто така ќе биде млад, додаде Анчелоти.