Во пријателски фудбалски натпревар одигран на претпоследниот ден од годината екипата на Милан во Дубаи го совлада европскиот првак Реал Мадрид со 4:2.
За Милан Стефан Ел Шарави (31.минута и 48) погоди двапати, а по еднаш Жереми Менез (24) и Џампаоло Пацини (73), а стрелци на головите за шпанскиот клуб беа Кристијано Роналдо (35) и Карим Бензема (84 пенал).
Контролен дуел синоќа во мароканскиот град Маракеш играше и францускиот шампион Пари Сен Жермен кој минимално со 1:0 го совлада калчолигашот Интер. Стрелец на победничклиот гол беше Јоан Кабаје во 57.минута.