Металург поразен со 10 разлика од Татран во СЕХА лигата

Од:

Ракометарите на Металург беа поразени вечерва на гостувањето кај Татран Прешов со 30:20 (16:11) во меч од 17 коло на СЕХА-лигата.

За словачкиот тим ова беше многу важен триумф, откако ја продолжува битката за пласман на „Фајнал фоур“ со Мешков Брест.

Што се однесува до самиот натпревар, тој беше рамноправен во првите 25 минути, додека се играше гол за гол, но Татран во завршницата од првото полувреме „додаде гас“ и замина со +5 предност (16:11). Во второто полувреме разликата се зголемуваше и домаќините немаа проблем да го затворат натпреварот со победа.

Хрстка со седум гола и Буторац со пет беа најпрецизни за домаќините. Кај Металург, Димитриоски и Токиќ реализираа по четири погодоци.

Металург по овој пораз има 10 бода на табелата и сигурно ќе ја заврши сезоната во регионалното натпреварување на претпоследното место, што ќе биде и најлош пласман за тимот од Автокоманда во оваа лига.

Последниот натпревар од СЕХА лигата, момчињата на Данило Брестова ќе го одиграат на 12 март, кога во Скопје доаѓа Војводина.

Би можело да ве интересира

Металург и КЛ7 најуспешни на меѓународниот ракометен турнир „КЛ7 2020“

Ана Ололовска

Веспрем му се реваншира на Еурофарм за поразот во Битола

Вардар се пласираше директно во четвртфиналето на СЕХА лигата

Татјана Ташкова

ЕХФ Куп: Металург се враќа со -5 од Велење

Ана Ололовска

Победа на Еурофарм Работник над Веспрем

СЕХА лига: Вардар почнува против Пекинг, Еурофарм го пречекува Спартак Москва