Женската фудбалска репрезентација на Македонија утре против Белорусија ќе го одигра последниот квалификациски натпревар од групата 1 за пласман на Европското првенство во Холандија 2017 година.
Селекторот Кирил Изов посакува изненадување за крај на овие квалификации.
– Свесни сме дека во овие квалификации немаме шанси за пласман, но поради тоа и немаме што да изгубиме. Имаме подмладен состав на многу мотивирани играчи и во овој последен натпревар сакаме да направиме изненадување. Нема повредени фудбалерки, и искрено се надеваме дека ќе постигнеме позитивен резултат кој би претставувал мотивација и позитивен импулс за натамошните настапи на женската А репрезентација, изјави македонскиот селектор.
За овој натпревар, Изов ги повика следните фудбалерки:
голмани: Фроска Костова, Елена Чакмаковска и Викторија Панчурова;
одбрана: Павлинка Николовска, Даниела Велеска, Симона Тасева, Ивана Биневска, Сашка Кокаловска и Мартина Смилковска;
среден ред: Катерина Милеска, Емилија Стоиловска, Јана Чубриноска, Елма Шемсовиќ и Симона Крстановска;
напад: Ели Јаковска, Улза Максити, Афродита Салихи и Александра Ристовска.