Македонските женски фудбалски репрезентации до 17 и до 19 години денеска со жрепка во Нион ги дознаа противниците во квалификациите за пласман на европските првенства во рамки на новиот формат преку натпреварувањата во Лигата на нации.
Македонските младинки ќе играат во дивизијата Б во квалификациската група против Словенија, Молдавија и Лихтенштајн. Квалификацискиот турнир ќе се одржи во април идната година, а земјата организатор ќе биде одредена дополнително.
Промоцијата во Лига А ќе обезбедат првопласираните репрезентации од шесте групи, како и најдобро второрангираната репрезентација.
Како и младинките, и кадетската репрезентација до 17 година ќе настапи во Лига Б, а противници во рамки на квалификациската група 3 ќе им бидат Шкотска, Азербејџан и Албанија. Кваликацискиот турнир ќе се одржи во март идната година, а домаќин ќе биде Албанија.
Промоција во Лига А за сезоната 2022/23 ќе обезбедат победниците на шесте групи, како и една најдобро второпласирана репрезентација.