Македонската женска фудбалска репрезентација ги продолжува европските квалификации за пласман на Светското првенство што ќе се одигра во Австралија и Нов Зеланд 2023 година. „Црвено-жолтите“ на 21 октомври гостуваат во Рига кај Летонија, а на 26 октомври во Охрид, ја пречекуваат репрезентацијата на Луксембург.
Селекторот, Кирил Изов за квалификациските дуели ги повика следните фудбалерки:
Голмани: Магдалена Лекоска (Љуботен), Кристина Павловска (Деспина), Верица Колевска (Скопје 2014);
Одбрана: Радица Чонева (Истатов), Павлинка Николовска (Каменица Саса), Катерина Милеска (Деспина), Теодора Јанковска (Деспина), Кристина Петрушевска (Истатов), Елена Панеска (Каменица Саса), Ане Бошеска (Тиверија), Елма Шемсовиќ (Борец);
Среден ред: Сара Коларовска (Скопје), Елена Петровска (Скопје), Ана Димитровска (Каменица Саса), Хава Мустафа (Шкендија), Јана Чубриновска (Деспина), Синдис Положани (Ас Јунајтед), Теодора Ѓорѓиевска (Борец), Христина Јошевска (Каменица Саса);
Напад: Улза Максути (Ас Јунајтед), Афродита Салихи (Шкендија), Александра Марковска (Скопје), Наташа Андонова (Леванте, Шпанија), Гентјана Рочи (Купс, Финска);
Македонската селекција е во групата „Д“ со Англија, Австрија, Северна Ирска, Луксембург и Летонија.