Македонската фудбалска репрезентација напредуваше 21 место на најновата ранг-листа што денеска ја објави Светската фудбалска асоцијација – ФИФА.
Сега Македонија се наоѓа на 83. место или 21 место повисоко од октомвриското рангирање.
Главна причина за големиот скок на „црвено – жолтите“ е победата над Србија остварена на 16-ти минатиот месец во мундијалските квалификации.
Од противниците на македонските фудбалери во квалификациската група за Светското првенство, најдобропласирана е Хрватска (10. место) која се врати во првата десетка, Белгија направи уште еден скок од 10 места и се наоѓа на 20. позиција, потоа следуваат Србија (42), Велс (66) и Шкотска (70).
Во првата десетка се: Шпанија, Германија, Аргентина, Португалија, Италија, Англија, Холандија, Колумбија, Русија и Хрватска.
Следното рангирање ФИФА ќе го изврши на 19 декември.