Кошаркарите на Македонија губат со 28:29 од Босна и Херцеговина по првото полувреме на четвртиот натпревар за нашите репрезентативци на Европското првенство во Словенија.
По крајот на првата четвртина репрезентацијата на БиХ водеше со 16:15, иако Македонија стартуваше со 7:0 во првите три минути од натпреварот.
Македонија и БиХ одиграа дуел и на претходното ЕП во Литванија пред две години. Победија Македонците со 75:63.
Освен овој натпревар денеска во групата Б која се игра во Јесенице, во 4. коло уште играат: Србија – Летонија (17:45 часот) и Литванија – Црна Гора (21 часот).
Литванија, Србија и Летонија имаат по две победи и еден пораз, додека Македонија, Босна и Херцеговина и Црна Гора се со биланс од една победа и два изгубени натпревара.