Роберт Левандовски во интервју за полски весник упати критики до својот актуелен клуб, Борусија Дортмунд. Тој е разочаран што не му дозволија летово да премине во Баерн, иако се било договорено.
– Ако некој нешто вети, треба да го одржи својот збор. Не само за трансферот, туку и многу други работи кои ги ветија, но не ги исполнија. Ме гледаа во очи и ме лажеа. Без разлика колку напорно ќе тренирам и ќе давам се од себе, секогаш ќе постои чувство дека некој ме изневери во клубот – изјавил фудбалерот.
Левандовски во Борусија дојде во 2010 година, а од тогаш постигнал 74 голови.