Домаќинот на Купот на конфедерациите Бразил синоќа постигна убедлива победа со 3:0 против Јапонија на стартот на собирот на најдобрите континентални фудбалски репрезентации во светот.
Кариоките по само три минути игра преку Нејмар поведоа со 1:0, Паулињо во 48.минута зголеми на 2:0, а Жо пред крајот на средбата го постави конечниот резултат.
Ова беше натпревар од А групата во која вечерва играат Мексико и Италија.
Во вториот вечерашен натпревар се среќаваат Шпанија и Уругвај (Б група).