Поранешниот италијански репрезентативец Мауро Каморанези смета дека Марио Балотели е преценет играч.
– Италијанската јавност очекуваше Балотели заедно со Пирло да биде главниот наш адут на Мундијалот, но тој целосно потфрли. Преценет е како играч и од медиумите и од тренерите. Не се труди колку што треба. Не знам во што му е проблемот, ама очигледно е дека со него нешто не е во ред, рече Каморанези.
Тој потсети дека кога бил активен играч и тој се „глупирал“ ама бил свесен за неговите мани.
– И јас грешев кога играв фудбал, ама бев свесен за тоа и учев на своите грешки, додаде Каморанези.