Шведскиот репрезентативец и член на Пари Сен Жермен денеска изјави дека не би имал ништо против за некоја година да заигра во американската МЛС лига и таму да ја заврши со професионалното играње фудбал.
– Заинтересиран сум да играм во САД. Често се слушам со мојот другар Тери Анри кој многу добро се снајде на американскиот континент. Би било интересно за две-три години да заиграм во Америка, изјави Ибрахимовиќ.
Тој има актуелен договор со ПСЖ до 2016 година и беше најзаслужниот со 40 постигнати голови за освојувањето на титулата во француската Лига 1 оваа сезона.