Македонски фудбалски репрезентативец Горан Попов ќе игра во Премиер лигата. Дефанзивецот во претстојната сезона ќе го носи дресот на Стоук Сити. Договорот е веќе постигнат помеѓу англискиот тим и Динамо Киев, а Македонецот ќе настапува како позајмен фудбалер и тоа една сезона.
Нашиот репрезентативец го импресионирал стручниот штаб на Стоук на натпреварите ппомеѓу премиерлигашот и Динамо Киев во минатогодишната сезона од Лига Европа. Во веста се додава дека англискиот тим по завршувањето на позајмицата ќе има можност целосно да го откупи договорот на Попов.
Промоцијата на македонскиот репрезентативец во англискиот тим се очекува да биде во понеделник за кога се закажани и лекарските прегледи.